వీఆర్వోలేమైనా ఆకాశం నుంచి ఊడిపడ్డారా?: కేసీఆర్
VRO వ్యవస్థను రద్దు చేస్తారని జరుగుతోన్న ప్రచారంపై కేసీఆర్ స్పందించారు
కుక్క తోకను ఊపుతుందా? తోక కుక్కను ఊపుతుందా? అని ప్రశ్నించారు. వీఆర్వోలు ఏమైనా ఆకాశం నుంచ ఊడిపడ్డారా? అని నిలదీశారు.
భారతదేశంఆశ్చర్యపోయే అద్భుతమైన నూతన రెవెన్యూ చట్టం తీసుకొస్తామని సీఎం కేసీఆర్ తెలిపారు. ఈ విషయంలో తాము ఎవరికో భయపడబోమన్నారు. ఆదివారం తెలంగాణ అసెంబ్లీలో మాట్లాడిన ఆయన… *చట్టాలను రూపొందించాల్సింది శాసనసభ అన్నారు.* ఉద్యోగులు అవినీతి రహితంగా పని చేయాలన్న కేసీఆర్… లేకపోతే కఠినంగా చర్యలు తీసుకుంటామన్నారు. ప్రభుత్వాన్ని డిక్టెట్ చేయడం సరికాదన్నారు.
ప్రపంచంలో ఎక్కడా ఇలా లేదు. కుక్క తోకను ఊపుతుందా. తోకను కుక్క ఊపుతుందా? అర్థం చేసుకోవాలి. ఉద్యోగులు చెప్పినట్టే చేసే దానికి చట్టసభలు దేనికి?చట్టం చేసే ముందు ఉద్యోగులతో మాట్లాడతాం. ఎవరో ఏదో చెబితే ఆ మాటలు నమ్మి పిచ్చి సమ్మెలు చేస్తే రెవెన్యూ ఉద్యోగులే నష్టపోతారు’’ అని కేసీఆర్ హెచ్చరించారు.
8 లక్షల మందికి ఉచితంగా తాము భూములు రిజిస్ట్రేషన్ చేశామని కేసీఆర్ చెప్పారు. రెవెన్యూ వ్యవస్థలో అవకతవకలు కాంగ్రెస్ పుణ్యమేనని కేసీఆర్ వ్యాఖ్యానించారు. వీఆర్వోల విషయంలో ప్రభుత్వం ఇంకా ఓ నిర్ణయానికి రాలేదన్న ఆయన… అందరితోనూ మాట్లాడుతున్నాం అన్నారు. వీఆర్వోలనుతొలగించాల్సివస్తేతొలగిస్తాం.వీఆర్వోలేమైనా ఆకాశం నుంచి ఊడిపడ్డారా? పటేల్ పట్వారీ వ్యవస్థ పోలేదా? వారు పోయాకే వీళ్లొచ్చారు. ప్రజలను పీడిస్తున్నారనే పటేల్ పట్వారీ వ్యవస్థను తొలగించాం. వీరు అంత కంటే ఎక్కువ చేస్తే ఏం చేయాలి?’’ అని కేసీఆర్ ప్రశ్నించారు.
ధరణి వెబ్‌సైట్ లాంచ్ అయితే గంటల వ్యవధిలోనే పట్టా అయిపోతుంది. అద్భుతమైన చట్టాన్ని తీసుకొస్తాం అని కేసీఆర్ తెలిపారు. కౌలుదార్ల వ్యవస్థను మేం గుర్తించం. ఇది మా పాలసీ అని కేసీఆర్ కుండబద్ధలు కొట్టారు. కౌలుదార్లకు రైతు బంధు ఇవ్వమన్నారు. మేం రైతుల కోసం పని చేస్తున్నాం. వారికి ఎలాంటి ఇబ్బందులు రానివ్వమని కేసీఆర్ తెలిపారు.
జాగీర్దార్ వ్యవస్థ ఉన్నప్పుడు కౌలుదార్లు వేరు. ఇప్పుడు వేరు. కౌలుదార్లు ఎప్పటికప్పుడు మారతారు. నేను స్వయంగా రైతును. రైతుల సూచనలతోనే ఈ నిర్ణయం తీసుకున్నాం. తెలంగాణ రైతు సోదరులు మీ అప్పులు మీరు కట్టుకోండి. రెన్యువల్ చేసుకోండి. కటాఫ్ డేట్ వరకు ఉన్న అప్పులను ప్రభుత్వం కచ్చితంగా రైతుల చేతికే అందిస్తుంది.
About The Author
