72 పెండింగ్ చలన్స్…బైక్ సీజ్ చేసిన పోలీసులు…
ట్రాఫిక్ రూల్స్ ఎంత కఠినతరం చేసిన వాహనదారులు మాత్రం లైట్ తీసుకుంటున్నారు. హెల్మెట్, సిగ్నల్ జంప్,డ్రంక్ అండ్ డ్రైవ్,రాష్ డ్రైవింగ్ ఇలా అన్ని విషయాల్లో రూల్స్ అతిక్రమించి వారిపై చలన్స్ వేస్తున్నారు. ఈ మధ్య సుమారు 72 పెండింగ్ చలానాలు ఉన్న ఓ యాక్టివా ద్విచక్ర వాహనం నల్లకుంట ట్రాఫిక్ పోలీసులకు చిక్కింది. ఎస్‌ఐ రమేశ్‌ వివరాల ప్రకారం.. బుధవారం రాత్రి 8 గంటల సమయంలో నల్లకుంట ఫీవర్‌ ఆస్పత్రి సిగ్నల్స్‌ వద్ద నల్లకుంట ట్రాఫిక్ పోలీసులు పెండింగ్ చలానాలపై స్పెషల్‌ డ్రైవ్ చేట్టారు. అదే సమయంలో అంబర్‌పేటకు చెందిన సురేశ్‌ అనే వ్యక్తి యాక్టివా (టీఎస్‌11 ఈజే 7202) వాహనంపై వచ్చాడు. ఆ వాహనాన్ని నిలిపి పెండింగ్ చలన్స్ తనిఖీ చేయగా 72 పెండింగ్ చలానాలు (రూ. 9,750)ఉన్నాయి. ఆశ్చర్యం వ్యక్తం చేసిన పోలీసులు వాహనాన్ని సీజ్ చేసిన ట్రాఫిక్ పోలీసులు స్టేషన్‌కు తరలించారు.
About The Author
