బిత్తిరి సత్తికి ఊహించని షాక్…!
టీవీ రంగంలో జీరో స్థాయి నుంచి హీరో స్థాయికి ఎదిగిన కమెడియన్ బిత్తిరి సత్తికి ఊహించని షాక్ తగిలింది. అతన్ని టీవీ9 నుంచి తొలిగిస్తూ యాజమాన్యం కీలక నిర్ణయం,తీసుకున్నట్టుతెలుస్తోంది.బిత్తిరసత్తి,తనదైన శైలి యాసతో విలక్షణమైన హావభావాలను పలికిస్తూ.. యావత్ తెలుగు ప్రేక్షకులకు సుపరిచితమైన బిత్తిరి సత్తి ఉరఫ్ రవికుమార్‌కి ఊహించని షాక్ తగిలింది. ఆయన్ని టీవీ9 నుంచి తొలగిస్తూ యాజమాన్యం మంగళవారం నాడు ఆదేశాలు జారీ చేసింది. రెండు రోజుల క్రితం జరిగిన ఒక కార్యక్రమంలో తన వ్యక్తిగత జీవితంకి సంబంధించిన కొన్ని విషయాలని బిత్తిరి సత్తి తన స్కిట్‌లో ప్రస్తావించినట్లు సమాచారం. దీంతోపాటుగా ఇటీవల కాలంలో ఇస్మార్ట్ శంకర్ బాగా పాపులర్ కావడంతో పాటుగా తన రెమ్యూనరేషన్ కూడా పెద్ద మొత్తంలో పెంచాలని బిత్తిరి సత్తి డిమాండ్ చేసినట్లుగా సమాచారం ఉంది. అంతే కాకుండా తన ఇష్టానుసారంగా బిత్తిరి సత్తి వ్యవహరించడం యాజమాన్యానికి గిట్టకపోవడంతో ఈ నిర్ణయం తీసుకున్నట్టు తెలుస్తోంది.పైగా స్కిట్స్ విషయంలో బిత్తిరి సత్తి సొంత నిర్ణయాలు తీసుకోవడం.. దీనిపై పలుమార్లు యాజమాన్యం ఆయన్ని హెచ్చరించినప్పటికీ సత్తి పట్టించుకోకపోవడంతో ఉద్వాసన తప్పలేదు. ఇటీవల కాలంలో సొంత పోకడలకు పోతున్నా బిత్తిరి సత్తిని వారించినప్పటికీ వినకపోవడంతో అతనిపై వేటు పడినట్టు తెలుస్తోంది. అయితే తనను ఈ స్థాయికి తీసుకు వచ్చిన V6 ఛానల్‌కి వెళతాడా లేదా మరే ఛానెల్‌కి వెళ్తాడు అన్నది ఇప్పుడు చూడాల్సిన అవసరం ఉంది.
ఇదిలా ఉంటే, V6లో తీన్మార్ వార్తలు బిత్తిరి సత్తిని ప్రపంచానికి తెలిసేలా చేసింది. ఈ బులిటెన్‌కి టాప్ రేటింగ్ వచ్చింది. అయితే టీవీ9 నుంచి మంచి ఆఫర్ రావడంతో తనకు లైఫ్ ఇచ్చిన V6ని వదిలేసి టీవీ9కి జంప్ చేశారు బిత్తిరి సత్తి. అయితే, తీన్మార్ వార్తలు మాదిరిగానే టీవీ9లో ఇస్మార్ట్ న్యూస్ స్టార్ట్ చేశాడు బిత్తిరి. ప్రారంభంలో ఈ షోకి అంత ప్రాధాన్యత లేకపోగా.. బిగ్ బాస్ అనంతరం యాంకర్ శివజ్యోతి ఇస్మార్ట్ న్యూస్‌లో వార్తలు చదవడంతో ఈ కార్యక్రమం ఊపందుకుంది. అయితే శివజ్యోతి (సావిత్రి) కూడా V6 నుంచి జంప్ చేసి బిగ్ బాస్‌కి వెళ్లి అక్కడ నుంచి మళ్లీ టీవీ9కి వచ్చింది. అయితే, బిత్తిరి సత్తి టీవీ9 నుంచి వెళ్లిపోయినప్పటికీ ఆయన వెనుకే శివజ్యోతి వెళ్లే ప్రసక్తే లేదని యాజమాన్యం అంటోంది. శివజ్యోతి టీవీ9లోనే కొనసాగుతుందని ఆ ఛానెల్ వర్గాలు వెల్లడించాయి.
About The Author
