మైనర్ బాలిక కిడ్నాప్ ఇద్దరు నిందితులు అరెస్ట్
చిత్తూరు జిల్లా:నిమ్మనపల్లి, మైనర్ బాలిక కిడ్నాప్ కేసులో ఇద్దరు నిందితులను అరెస్టు చేసినట్లు స్థానిక ఎస్సై లక్ష్మీనారాయణ తెలిపారు. గురువారం స్థానిక విలేఖరులతో ఆయన మాట్లాడుతూ గత నవంబర్ 30వ తేదీన అగ్రహారం పంచాయతీ పూలవాండ్ల పల్లెకు చెందిన ఓ మైనర్ బాలిక(17) అదృశ్యమైనట్లు బాలిక తాత వెంకటరమణారెడ్డి ఫిర్యాదు మేరకు కేసు నమోదు చేశామన్నారు. అయితే అదే గ్రామానికి చెందిన తానేశ్వర్, అతని భార్య కుమారి మైనర్ బాలికకు మాయమాటలు చెప్పి కిడ్నాప్ చేసినట్లు విచారణలో తేలిందన్నారు. బాలిక స్టేట్మెంట్ మేరకు కిడ్నాప్ కేసు నమోదు చేశామన్నారు. గురువారం పూలవాండ్లపల్లి బస్ స్టాప్ వద్ద నిందితులు తానేశ్వర్, కుమారి లను అరెస్టు చేసి రిమాండ్ కు పంపినట్లు తెలిపారు. బాలికను తండ్రి ముని రెడ్డికి అప్పగించినట్లు తెలిపారు.ఫోటో:-కిడ్నాప్ కేసులో నిందితులను అరెస్టు చూపుతున్న ఎస్సై లక్ష్మీనారాయణ.
About The Author
