ప్రేమ వివాహం.. ప్రాణం తీసిన అనుమానం
మూడేళ్లు ప్రేమించుకున్నారు. పెళ్లి చేసుకొని కూడా నాలుగేళ్లు అవుతోంది. ఇలాంటి దాంపత్య జీవితంలో అనుమానాలు ఉంటాయా? కానీ గురుమూర్తి మాత్రం ప్రేమించి పెళ్లి చేసుకున్న భార్యను అనుమానించాడు. సూటిపోటి మాటలతో వేధించాడు. ఫలితంగా ఆ మహిళ బలవన్మరణానికి పాల్పడింది. విజయవాడలో జరిగింది ఈ ఘటన.
సాయిదివ్య, గురుమూర్తి మహంతిపురంలో ఉంటున్నారు. వీళ్లు మూడేళ్లుగా ప్రేమించుకున్నారు. 2016లో పెళ్లి చేసుకున్నారు. వీళ్ల ప్రేమకు గుర్తుగా ఓ పాప కూడా పుట్టింది. అంతా బాగుందనుకున్న టైమ్ లో గురుమూర్తి మెదడులో విషపు బీజం నాటుకుంది. ప్రేమించి పెళ్లి చేసుకున్న భార్యనే అనుమానించడం మొదలుపెట్టడం.
దాదాపు ఏడాదిగా ఇలా భార్యను అనుమానిస్తూనే ఉన్నాడు గురుమూర్తి. కొన్నాళ్ల పాటు ఓపిగ్గా ఈ అవమానాల్ని భరించిన సాయిదివ్వ, ఇక భరించలేకపోయింది. నిన్న రాత్రి ఇంట్లో ఎవ్వరూ లేని సమయంలో ఉరేసుకొని ఆత్మహత్య చేసుకుంది.
ఇలా గురుమూర్తి అనుమానాలకు ఓ నిండు ప్రాణం బలైంది. మూడేళ్ల చిన్నారి తన తల్లిని కోల్పోయింది. సాయిదివ్య తల్లి ఇచ్చిన ఫిర్యాదుతో పోలీసులు గురుమూర్తిపై కేసు నమోదుచేశారు.
About The Author
