సోనూసుద్ ఇక హీరోగా భారీ బడ్జెట్ మూవీ…
సినిమాల్లో గ్రేట్ విలన్ గా పాత్రలు చేసిన సోనూసుద్ రియల్ లైఫ్ లో మాత్రం పెద్ద హీరోగా మారాడు. ఆపద్భాంధవులకు ఆపన్నహస్తుడిగా ఉంటూ అవసరమైన వారికి సాయం చేస్తున్నాడు. గతేడాది కరోనా కాలం నుంచి ఇప్పటి వరకు అడిగిన వారికి కాదంటూ అందరికీ సాయం చేస్తున్నాడు. ఇటీవల ఆయన ఆక్సిజన్ ప్లాంట్ కూడా ఏర్పాటు చేస్తానని సంచలన ప్రకటన చేశారు. దీంతో ప్రజా ప్రతినిధులుగా ఉన్న వారు సైతం సోనూసుద్ సాయాన్ని చూసి ఆశ్చర్యపోతున్నారు. అయితే ఓ వైపు ఇలాంటి సామాజిక కార్యక్రమాల్లో పాల్గొంటూనే మరోవైపు సినిమాల్లో నటిస్తున్న సోనూసుద్ కోసం మన తెలుగు డైరెక్టర్ ఓ కథను సిద్ధం చేశారట.
హిస్టారికల్ చిత్రాలు తీయడంలో మంచి గుర్తింపు తెచ్చుకున్న క్రిష్ ఇప్పిటికే బాలకృష్ణ, రానా తదితర పెద్ద హీరోలతో సినిమాలు చేసి నిరూపించాడు. తాజాగా ఆయన పవన్ కల్యాణ్ తో కలిసి హరిహరవీరమల్లు సినిమా తీస్తున్న విషయం తెలిసిందే. ఈ నేపథ్యంలో క్రిష్ కోసం ఓ కథను సిద్ధం చేశారట. ఇప్పటికే సోనూసుద్, క్రిష్ ల మధ్య మంచి అనుబంధం ఉంది. క్రిష్ తీసిన మణికర్ణిక సినిమాలో సోనూసుద్ నటించారు. ఇక త్వరలో భారీ బడ్జెట్ తో సోనూసుద్ తో కలిసి సినిమా తీయాలని క్రిష్ రెడీ అయ్యాడట.అయితే సోనూసుద్ ఇప్పటి వరకు సినిమాల్లో విలన్ గానే కనిపించారు. ఆయన సేవా కార్యక్రమాలు చూసిన ప్రజలు సినిమాల్లోనైనా సరే విలన్ గా చూడడానికి ఇష్టపడడం లేదట. అందుకే క్రిష్ ఆయనను హీరోగా పెట్టి ఓ సినిమా తీయాలని నిర్ణయించుకున్నాడట. అయితే ఈ విషయంపై క్రిష్ ఎలాంటి ప్రకటన చేయలేదు. కానీ సోషల్ మీడియాలో మాత్రం వార్తలు జోరుగా ప్రచారం జరుగుతున్నాయి. ఒకవేళ ఇదే నిజమైన క్రిష్ డైరెక్షన్లో సోనూసుద్ ను మనం హీరోగా చూడవచ్చన్నమాట.
About The Author
