ఆలస్యమైనా ఆఖరికి న్యాయమే గెలుస్తుంది..నారా లోకేష్..
ఏపీపీఎస్సీ గ్రూప్-1 మెయిన్స్ పరీక్ష నిర్వహణలో జరిగిన అవకతవకలు-కోర్టు తీర్పు నేపథ్యంలో భవిష్యత్తు కార్యాచరణ
పై అభ్యర్థులతో చర్చా కార్యక్రమంలో టిడిపి జాతీయ ప్రధాన కార్యదర్శి నారా లోకేష్
ఆలస్యమైనా ఆఖరికి న్యాయమే గెలుస్తుంది.
న్యాయం కోసం పోరాడిన గ్రూప్-1 అభ్యర్థులందరికీ అభినందనలు.
మీరు చేసిన పోరాటంతో మొదటి విజయం సాధించాం.
గ్రూప్-1 పరీక్షలపై హైకోర్టు కీలక ఆదేశాలు జారీచేసింది.ఇంటర్వ్యూలు కూడా నిలిపివేసింది.
ఏపీపీఎస్సీని రాజకీయ పునరావాస కేంద్రంగా మార్చి వేలాది మందికి తీరని అన్యాయం చేశారు.
దొడ్డిదారిలో తమ వారికి ఉద్యోగాలు ఇచ్చుకోవడానికి చేసిన కుట్రలు బయటపడ్డాయి.
వ్యాపం కుంభకోణం తరహాలోనే జగన్ రెడ్డి పాలనలో గ్రూప్-1 కుంభకోణం జరిగింది.
అర్హులకు మాత్రమే ఉద్యోగాలు అనే నినాదంతో మన పోరాటం కొనసాగుతుంది.
మీరు అడుగుతున్నవి న్యాయమైన డిమాండ్స్.రాష్ట్ర ప్రభుత్వం తక్షణమే చర్యలు తీసుకోవాలి.
మెయిన్స్ జవాబు ప‌త్రాల‌ను మాన్యువ‌ల్ వేల్యూష‌న్‌ చేయాలి.
ఎంపిక చేసిన అభ్యర్థుల పేర్లు, అంద‌రి అభ్యర్థుల మార్కులను వెల్లడించాలి. ఇది వారి తదుపరి ప్రయత్నం కోసం, లోపాలు సరిచేసుకునేందుకు ఉపయోగపడుతుంది.
డిజిటల్ వేల్యూష‌న్‌కి సంబంధించిన సాంకేతికత SOP పై శ్వేతపత్రాన్ని విడుదల చేయండి.
ఎంపిక చేయని అభ్యర్థులందరి మార్కులు, వారి జవాబు ప‌త్రాల‌ను విడుదల చేయాలి
ఎంపిక ప్రక్రియ, వేల్యూష‌న్‌పై అనుమానాలున్న‌వారి ఫిర్యాదులు స్వీక‌రించేందుకు ఆన్‌లైన్ ఫిర్యాదుల పరిష్కార వ్యవస్థను ఏర్పాటు చేయాలి.
ఇప్పటికైనా ప్రభుత్వం చేసిన తప్పులను సరిదిద్దుకోవాలి లేకపోతే అడ్డగోలుగా చేసిన తప్పులను న్యాయపరంగా ఎండగట్టి అంతిమ విజయం సాదిద్దాం.
కోర్టు మొట్టికాయల తరువాత అయినా జగన్ రెడ్డి గారిలో మార్పు వస్తుందని భావించాను. కానీ మార్పు రాలేదు.
ఎన్నికల ముందు జాబు రెడ్డిగా ఉంటానని హామీ ఇచ్చి ఇప్పుడు డాబు రెడ్డిగా మారారు.
ఆయన రిలీజ్ చేసింది జాబ్ క్యాలెండర్ కాదు బిల్డప్ క్యాలెండర్.
క్యాలెండర్ లో 365 రోజులుంటాయి.డాబు రెడ్డి గారి బిల్డప్ క్యాలెండర్ లో గ్రూప్1,2 పోస్టులు 36
గ్రూప్1,2 పోస్టులు 36 పోస్టులు మాత్రమే ఇచ్చి డాబు రెడ్డి రికార్డ్ సృష్టించారు.
చరిత్ర లో ఇంత తక్కువ పోస్టులు ఇచ్చిన ముఖ్యమంత్రిగా డాబు రెడ్డి పేరు రికార్డుల్లోకి ఎక్కింది.
ఎన్నికల ముందు అధికారం రాగానే 2.30 లక్షల ఉద్యోగాలు అన్న డాబు రెడ్డి ఇప్పుడు 10 వేల పోస్టులు ప్రకటించి చేతులు దులుపుకున్నారు.
నిరుద్యోగయువతని నట్టేట ముంచారు.
డాబు రెడ్డి ని చూసి పోయే కంపెనీలే తప్ప వచ్చే కంపెనీలు లేవు.
ప్రైవేట్ ఉద్యోగాలు ఎలాగో లేవు కనీసం ప్రభుత్వ ఉద్యోగం అయినా వస్తుంది ఏమో అని కోటి ఆశలు పెట్టుకున్న నిరుద్యోగయువత ఆశల పై నీళ్లు చల్లారు.
రెండేళ్లలో ఆరు లక్షల ఉద్యోగాలు ఇచ్చాం అంటూ ఫేక్ ప్రకటనలు ఇస్తున్నారు.
కార్యకర్తలకు ఇచ్చిన వాలంటీర్ పోస్టులు,పేపర్ లీక్ చేసి అమ్ముకున్న సచివాలయ పోస్టులు,దశాబ్దాలుగా ఉన్న ఆర్టీసీ ఉద్యోగాలు,కాంట్రాక్టు,అవుట్ సోర్సింగ్ ఇలా చెప్పుకుంటేపోతే మొత్తం దొంగ లెక్కలే.
వాలంటీర్లు – 2.6 లక్షల మంది.‘వాలంటీర్ అంటే స్వచ్ఛందంగా సేవ అందించడం. ఇది ఉద్యోగం కాదన్నది డాబు రెడ్డి గారే.మరి ఇప్పుడు ఉద్యోగాల లిస్టులో కలపడానికి సిగ్గు వెయ్యలేదా?90 శాతం వాలంటీర్ పోస్టులు కార్యకర్తలకే ఇచ్చాం అని ఏ2 రెడ్డి ప్రకటించారు.
గ్రామ, వార్డు సచివాలయం – 1.21 లక్షలు.పేపర్ లీక్ చేసి, వైకాపా కార్యకర్తలకు అమ్ముకున్నారు.
ఆర్టీసి ఉద్యోగులు – 58 వేల మంది వీరంతా దశాబ్దాలుగా ఉద్యోగం చేస్తున్నారు
కోవిడ్ నియామకాలు – 26 వేలు.ఇవి తాత్కాలిక ఉద్యోగాలే.
ఆప్కోస్ – 95 వేల మంది ఇందులో అత్యధికం మద్యం షాపుల్లో పని చేసే వారు.
ఇవన్నీ తీసేస్తే నిజమైన అర్హులకు వచ్చిన ఉద్యోగాలు 15 వేల లోపే.అవి కూడా కాంట్రాక్టు, అవుట్ సోర్సింగ్ కలిపి.
ఈ రెండేళ్ళలో ఆంధ్రప్రదేశ్ యువతను డాబు రెడ్డి ఇలా మోసం చేసారు.
అప్ప‌టి చీఫ్ సెక్ర‌ట‌రీ నీలం స‌హానీ గ్రూప్-1&2 పోస్టులు 907, పోలీస్ శాఖ‌లో 7740 ఖాళీలున్నాయ‌ని ప్ర‌క‌టిస్తే, డూబురెడ్డి బిల్డప్ క్యాలెండర్ లో గ్రూప్-1&2 పోస్టులు 36, పోలీస్‌శాఖ‌లో 450 పోస్టులున్నాయి. చీఫ్ సెక్ర‌ట‌రీ ప్ర‌క‌ట‌నకి చీఫ్ మినిస్ట‌ర్ ప్ర‌క‌ట‌ని మ‌ధ్య వేల ఉద్యోగాలు వైకాపా గెద్దలు ఎత్తుకుపోయాయా?
2.30 లక్షల జాబులు ఎక్కడ డాబు రెడ్డి?పోలీస్ శాఖ లో ఏడాదికి 7వేల పోస్టుల భర్తీ అన్నావ్ ఎక్కడ డాబు రెడ్డి?
క్యాలెండర్ లో డిఎస్సీ ప్రస్తావన కూడా లేకపోవడం మరీ దారుణం.క్యాలెండర్ లో టీచర్ పోస్టులు ఉంటాయని అనుకున్నారు.కానీ డాబు రెడ్డి డిఎస్సీ కి ప్రిపేర్ అవుతున్న అభ్యర్థులకు హ్యాండ్ ఇచ్చారు.
డాబు రెడ్డి మాట తప్పాడు,మడమ తిప్పాడు.ఉన్న కంపెనీలను తరిమేసాడు,నిరుద్యోగ భృతి ఎత్తేసాడు,ప్రభుత్వ ఉద్యోగాలు ఇవ్వడు.
ఉద్యోగాలు లేక నిరుద్యోగ ఆత్మహత్యలకు పాల్పడుతున్నారు.
అనంతపురం లో రాజేశ్వరి అనే యువతి ఉద్యోగం లేక ఆందోళన చెంది ఆత్మహత్య చేసుకుంది.
చంద్రబాబు గారి హయాంలో ఒక్క ప్రైవేట్ రంగంలోనే 5.13 లక్షల ఉద్యోగాలు కల్పించాం.ఇది వైకాపా ప్రభుత్వమే ప్రకటించింది.
ఉన్న కంపెనీలను కూడా వైకాపా ప్రభుత్వం తరిమేస్తుంది
నిరుద్యోగ యువతని నడి రోడ్డు పై వదిలేసి డాబు రెడ్డి హ్యాపీగా తాడేపల్లి ప్యాలస్ లో పడుకున్నారు.
రెండేళ్ల నుండి వేలాది రూపాయిలు ఖర్చు చేసి అభ్యర్థులు కోచింగ్ తీసుకుంటున్నారు.
ఉన్న ఉద్యోగాలు సైతం వదులుకొని ప్రభుత్వ ఉద్యోగాల కోసం ప్రిపేర్ అయ్యేవారు ఉన్నారు.
ప్రతి ఏడాది జాబ్ క్యాలెండర్ ఇస్తా అని మోసం చెయ్యడంతో ఎంతో మంది అభ్యర్థులు వయోపరిమితి మించిపోయి నష్టపోతున్నారు.
రాష్ట్ర వ్యాప్తంగా నిరుద్యోగయువత రోడ్డెక్కి ఆందోళన చేస్తున్నారు.
గ్రూప్-1 పరీక్షల్లో చోటుచేసుకున్న అవకతవకలు ఒకపక్క,ఉద్యోగాలు లేని బిల్డప్ క్యాలెండర్ మరోపక్క నిరుద్యోగయువత ని ఆందోళనకు గురిచేస్తున్నాయి.
డాబు రెడ్డి గారు తక్షణమే యువతకు క్షమాపణ చెప్పాలి.అధికారం వచ్చిన వెంటనే 2.30 లక్షల ప్రభుత్వ ఉద్యోగాలు భర్తీ చేస్తా అని ఇచ్చిన హామీ నిలబెట్టుకోవాలి.
అంతా దైర్యంగా ఉండండి.తెలుగుదేశం పార్టీ మీకు అండగా ఉంటుంది.గ్రూప్-1 అభ్యర్థులకు న్యాయం జరిగే వరకూ అండగా ఉంటాం.నిరుద్యోగయువతకు ప్రభుత్వ ఉద్యోగాలు భర్తీ చేసే వరకూ పోరాడతాం.
About The Author
