“కాస్త పెట్రోల్ ఇవ్వండి ప్లీజ్” అని అడుగుతోంది.?
నిన్నటి దాకా ప్రపంచానికే క్రూడ్ ఆయిల్ (ముడి చమురు) రారాజుగా వెలుగొందిన దేశం.. ఈరోజు మన ఇంటి తలుపు తట్టి “కాస్త పెట్రోల్ ఇవ్వండి ప్లీజ్” అని అడుగుతోందంటే నమ్ముతారా? 🤭
అవును, ప్రపంచం చూసిన అతిపెద్ద ‘బిజినెస్ రివర్స్ స్వింగ్’ ఇదే! ఇదంతా చూస్తుంటే నాకు నిజంగానే ఆశ్చర్యం వేస్తోంది.
వాళ్ల ట్యాంకర్ల నిండా క్రూడ్ ఆయిల్ ఉంది, కానీ బండిలో పోసుకోవడానికి పెట్రోల్ లేదు.
దీనికంతటికీ కారణం.. ఉక్రెయిన్ డ్రోన్ దాడులతో రష్యాలోని రిఫైనరీలన్నీ కాలి బూడిదవ్వడమే.
ఎండాకాలం వచ్చేసరికి మాస్కోలోని పెట్రోల్ బంకుల ముందు కిలోమీటర్ల కొద్దీ క్యూలు. ధరలు ఆకాశాన్ని తాకాయి. సరిగ్గా అప్పుడే రష్యా చూపు మన ఇండియా వైపు పడింది.
వెంటనే ఓడల్లో ముడి చమురును గుజరాత్కు పంపారు. ప్రపంచంలోనే అతిపెద్ద రిఫైనరీ అయిన మన జామ్నగర్ దాన్ని అందుకుంది. దానికి వాడినార్లోని ‘నయారా’ కూడా తోడైంది. అంతే!
అతి తక్కువ ఖర్చుతో, అతి వేగంగా ఆ క్రూడ్ ఆయిల్ కాస్తా మన దగ్గర ‘Made in India’ పెట్రోల్గా మారిపోయింది. ఏ ఓడలైతే ముడిచమురును తెచ్చాయో.. అవే ఓడల్లో పెట్రోల్ నింపుకుని మళ్ళీ రష్యాకు పయనమయ్యాయి.
కమ్మరి వాడికే సూదులు అమ్మే గట్స్ అంటే ఇవేనేమో! 💪
ఇదంతా చూశాక నాకో విషయం స్పష్టంగా అర్థమైంది. నిన్నటి దాకా కొనేవాళ్ల లిస్టులో ఉన్న మనం.. ఈరోజు క్రూడ్ ఆయిల్ బాస్కే పెట్రోల్ అమ్మి పెడుతున్నాం.
ఎందుకిలా? రష్యాతో పోలిస్తే మన దగ్గర ముడి చమురును శుద్ధి చేసే ఖర్చు 25 నుంచి 35 శాతం తక్కువ. మన జామ్నగర్ రిఫైనరీ రోజుకు 14 లక్షల బ్యారెళ్లను ప్రాసెస్ చేయగలదు. ఓడలు ఖాళీగా వెళ్లే పనే లేదు.. క్రూడ్ దించగానే, పెట్రోల్ నింపుకుని తిరుగు ప్రయాణం. టైమ్ సేవ్, డబ్బు సేవ్!
మన వాళ్ల బిజినెస్ బ్రెయిన్ అలాంటిది మరి.
ఇలా మన ఇండియన్ బుర్ర ప్రపంచాన్ని ఆశ్చర్యపరచడం ఇదేం తొలిసారి కాదు.
ఒకప్పుడు వజ్రాల వ్యాపారానికి బెల్జియంలోని ఆంట్వెర్ప్ రాజధానిగా ఉండేది, అదంతా యూదుల గుత్తాధిపత్యం. కానీ మన సూరత్ గుజరాతీలు అక్కడికెళ్లి, కట్ చేసి, పాలిష్ చేసి తక్కువ ధరకే అమ్మడం మొదలుపెట్టారు. రిజల్ట్? ఈరోజు ప్రపంచంలో ఏ 10 వజ్రాలు తీసుకున్నా.. అందులో 9 సూరత్ మీదుగా వెళ్లినవే. 60 శాతం వ్యాపారం మన చేతుల్లోనే ఉంది.
నిన్న వజ్రాలు! 💎
ఈరోజు చమురు! 🛢️
రేపు సెమీకండక్టర్లు! 💻
గేమ్ మారుతోంది బాస్..
“సౌత్ ఏషియా రెడ్ జోన్.. అక్కడెవరు పెట్టుబడులు పెట్టరు” అని పెదవి విరిచిన వాళ్లంతా ఇప్పుడు సైలెంట్ అయ్యారు.
ఎందుకంటే అదే సౌత్ ఏషియాలో జపాన్ 10 లక్షల కోట్లు పెట్టుబడి పెట్టడానికి సంతకాలు చేసేసింది. ఆపిల్ ఇక్కడే ఐఫోన్లు తయారు చేస్తోంది. టెస్లా ఫ్యాక్టరీకి స్థలం వెతుకుతోంది. గుజరాత్లో సెమీకండక్టర్ ఫ్యాబ్లు పుట్టుకొస్తున్నాయి. వీటన్నింటి మధ్యలో రష్యా నుంచి ఈ పెట్రోల్ ఆర్డర్.
ఇదే ‘రైసింగ్ ఇండియా’ అంటే!
ఇది వట్టి మాట కాదు,
సముద్రం మీద వెళ్తున్న పెట్రోల్ ఓడల మీద రాసిపెట్టున్న నిజం.
యుద్ధం వచ్చినప్పుడు యూరప్ వణికిపోయింది. బంకుల ముందు క్యూలు పెరిగాయి. కానీ మన ఇండియన్స్ టెన్షన్ పడలేదు.
ఎక్కడి నుంచి క్రూడ్ తేవాలి?
ఎక్కడ రిఫైన్ చేయాలి?
ధరలు ఎలా కంట్రోల్ చేయాలి?
అని ఢిల్లీలో కూర్చున్నవాళ్లు పక్కాగా క్యాలిక్యులేట్ చేశారు.
ఒక దేశానికి ఉండాల్సిన ముందుచూపు అంటే ఇదే.
ఇందులో ప్రభుత్వ రంగ సంస్థల పాత్ర తక్కువేం కాదు. IOC, BPCL, HPCL మనకు వెన్నెముక అయితే.. దానికి రిలయన్స్, నయారా లాంటి ప్రైవేట్ సంస్థలు ఉక్కు బలాన్ని ఇచ్చాయి.
పబ్లిక్-ప్రైవేట్ బ్యాలెన్స్ ఉంటే అభివృద్ధి ఎలా ఉరకలేస్తుందో చెప్పడానికి ఇదే బెస్ట్ ఫార్ములా.
దీనిలో మనం నేర్చుకోవాల్సిన అతిపెద్ద పాఠం ఏంటంటే..
భూమి కింద ముడి చమురు ఉన్నంత మాత్రాన ఏ దేశమూ గొప్పది అయిపోదు. దాన్ని శుద్ధి చేసే టెక్నాలజీ ఉండాలి, అమ్మి క్యాష్ చేసుకునే బిజినెస్ బుర్ర ఉండాలి, దేశ ప్రయోజనాల కోసం తెలివిగా వ్యవహరించే దౌత్యం (Diplomacy) ఉండాలి.
ఇప్పుడు మన ఇండియా దగ్గర ఈ మూడూ ఉన్నాయి.
1947లో అమెరికా గోధుమల ఓడల కోసం మనం కళ్లు కాయలు కాచేలా ఎదురుచూశాం.
కానీ 2026 నాటికి.. ప్రపంచ చమురు రారాజు మన ఓడరేవులో పెట్రోల్ కోసం ఎదురుచూస్తున్నాడు.
80 ఏళ్లలో చేయి చాచి అడిగే స్థాయి నుంచి.. ఇచ్చే స్థాయికి ఎదిగాం. ఇంతకంటే గొప్ప ఎదుగుదల ఏముంటుంది?
అయితే ఇక్కడో చిన్న మాట..
ఇంత లాభదాయకంగా వ్యాపారం జరుగుతున్నప్పుడు, ఆ లాభంలో కొంత భాగం సామాన్యుడి వంటగదికి కూడా చేరాలి కదా!
పంపు దగ్గర సామాన్యుడికి ‘ఓ 10 రూపాయల ఉపశమనం’ దొరికితే ఇంకా బాగుంటుంది. ఎందుకంటే ‘ఆత్మనిర్భర్ భారత్’ అంటే కేవలం కొన్ని కంపెనీలు బాగుపడటం కాదు,
140 కోట్ల మంది ప్రజలు స్వయం సమృద్ధి సాధించడం. ఇది ఒక సామాన్యుడిగా నా మనసులో ఉన్న మాట.
ఏదేమైనా.. ఉక్రెయిన్ రష్యాను గెలికింది, రష్యాకు దెబ్బ పడింది.. మధ్యలో ఇండియా బిజినెస్ పట్టేసింది❗
ప్రపంచం నడి నెత్తి మీద కూర్చున్నవాడు కాదు, ఆ శిఖరం వైపు ఎదుగుతున్నవాడే నిజమైన రాజు.
ఆ ఎదుగుదల పేరే ‘నవ భారతం’. తలవంచకుండా, తలెత్తుకుని బిజినెస్ చేసి గెలుస్తున్న భారతం!! 🇮🇳🔥
About The Author
