ప్రేమకథకు కన్నీటి ముగింపు!?
ఆమె ఉరికి వేలాడింది… 24 గంటల్లో అతడూ చెట్టుకు వేళాడాడు
మునుకుంట్లలో రెండు మరణాల మిస్టరీ… అసలేం జరిగింది?
ఆమె… డాక్టర్ కావాలనే కలతో మెడిసిన్ చదువుతున్న యువతి.
అతడు… అదే గ్రామానికి చెందిన యువకుడు.
కొంతకాలంగా ఇద్దరి మధ్య ప్రేమ ఉందని గ్రామంలో ప్రచారం.
అంతా సవ్యంగానే ఉందనుకున్న సమయంలో… ఒక్కసారిగా కథ విషాదాంతమైంది!
నల్లగొండ జిల్లా కట్టంగూర్ మండలం మునుకుంట్లలో లక్ష్మీ ప్రసన్న అనుమానాస్పద స్థితిలో ఉరికి వేలాడుతూ కనిపించడం కలకలం రేపింది. సూర్యాపేటలోని ప్రభుత్వ మెడికల్ కాలేజీలో ఎంబీబీఎస్ చదువుతున్న యువతి ఇలా విగతజీవిగా కనిపించడంతో కుటుంబం తీవ్ర విషాదంలో మునిగిపోయింది. అయితే… ప్రసన్న మృతి తర్వాత కుటుంబ సభ్యులు వ్యక్తం చేసిన అనుమానాలు ఘటనను మరో మలుపు తిప్పాయి. గ్రామానికి చెందిన చరణ్ అనే యువకుడిపై వారు అనుమానం వ్యక్తం చేసినట్లు సమాచారం. ప్రసన్న, చరణ్ గత కొంతకాలంగా ప్రేమించుకుంటున్నారనే విషయం కూడా తెరపైకి వచ్చింది.
కానీ… ప్రసన్న మృతి వెనుక అసలేం జరిగిందో తేలకముందే మరో షాకింగ్ ఘటన జరిగింది.
ప్రసన్న కుటుంబ సభ్యులు అనుమానం వ్యక్తం చేసిన చరణ్ కూడా శనివారం ప్రాణాలు కోల్పోయాడు. తాటి చెట్టుకు ఉరివేసుకున్న స్థితిలో చరణ్ కనిపించడం గ్రామాన్ని మరింత దిగ్భ్రాంతికి గురిచేసింది. ఒకరి తర్వాత మరొకరు, ఒకే గ్రామానికి చెందిన ఇద్దరు యువతీయువకులు ఆత్మహత్యలకు పాల్పడటం ఆందోళన కలిగిస్తోంది. వారి మధ్య ప్రేమ ఉందనే ప్రచారం సాగుతున్న క్రమంలోనే మొదట యువతి అనుమానాస్పద మృతి చెందగా, ఆ తర్వాత యువకుడి ఆత్మహత్య పాల్పడటం అనుమానాలకు తావిస్తోంది.
ఈ రెండు మరణాల మధ్య సంబంధం ఏమిటి?
అయితే, ప్రసన్న ఎందుకు ప్రాణాలు కోల్పోయింది? ఆమె మరణానికి ముందు ఏం జరిగింది? చరణ్పై కుటుంబ సభ్యులు ఎందుకు అనుమానం వ్యక్తం చేశారు? ప్రసన్న మృతి తర్వాత చరణ్ తీవ్ర నిర్ణయం తీసుకోవడానికి కారణమేంటి? ఇద్దరి ఫోన్లు, చివరి సంభాషణలు ఈ మిస్టరీని ఛేదిస్తాయా? ఈ ప్రశ్నలకు దర్యాప్తులోనే సమాధానాలు బయటపడాల్సి ఉంది.
రెండు చావులు… ఎన్నో ప్రశ్నలు!
డాక్టర్ కావాల్సిన ప్రసన్న జీవితం అర్ధాంతరంగా ముగిసిపోయింది. మరోవైపు చరణ్ కూడా ప్రాణాలు కోల్పోవడంతో వాస్తవంగా వీరిద్దరి మధ్య ఏం జరిగింది? ఈ విషాదానికి దారితీసిన పరిస్థితులేంటి? అన్నది ఇప్పుడు కీలకంగా మారింది. రెండు మరణాలపై పోలీసులు విచారణ కొనసాగిస్తున్నారు. దర్యాప్తు పూర్తయ్యే వరకు ప్రసన్న మృతికి ఎవరినీ బాధ్యులుగా నిర్ధారించలేం.
ఒక ప్రేమకథ… రెండు మరణాలు…
మునుకుంట్లను వెంటాడుతున్న మిస్టరీ!
ఈ విషాదం వెనుక దాగిన అసలు నిజమేంటి…?
About The Author
