భార్యపై అతి అనుమానం.. కారులోనే లైవ్ స్ట్రీమింగ్ పెట్టి దారుణంగా ఇద్దరూ..
ఒక వైపు సంసార నావ, మరోవైపు కలిసి నడుపుతున్న బేకరీ వ్యాపారం… బయటకు చూడటానికి ప్రశాంతంగా కనిపించే ఆ దంపతుల జీవితం వెనుక ఒక భయానక సైకలాజికల్ థ్రిల్లర్ను తలపించే ఘోరం దాగి ఉందని కెసగోడు గ్రామా ప్రజలు ఊహించలేకపోయారు. అనుమానం పెనుభూతమైతే మనిషి ఎంతటి దారుణానికి ఒడిగడతాడో చెప్పేందుకు కర్ణాటకలోని హాసన్ జిల్లాలో జరిగిన ఈ ఘటనే ప్రత్యక్ష నిదర్శనం.
కారులో ప్రయాణం కాదు, చావు ప్రయాణం
రఘు, గమన… ఇద్దరూ కెసగోడు గ్రామంలో స్థానికంగా బేకరీ నడుపుకుంటూ జీవనం సాగిస్తున్నారు. అయితే, కొంతకాలంగా భార్య గమన వేరొకరితో అక్రమ సంబంధం పెట్టుకుందనే తీవ్రమైన అనుమానం రఘు మనసులో నాటుకుపోయింది. ఆ అనుమానమే క్రమంగా కక్షగా, పగగా మారింది. శుక్రవారం సాయంత్రం సరిగ్గా 6:30 గంటలు… సాధారణంగా ఇంటికి వెళ్లే సమయం. కానీ రఘు ప్లాన్ వేరు. భార్య గమనను కారులోకి ఎక్కించుకుని ఊరి బయటకు బయలుదేరాడు. అది ప్రయాణం కాదు… ఒక పక్కా ప్లాన్ ప్రకారం ఊపిరి తీసేందుకు వేసిన స్కెచ్.
బంధువులకు లైవ్ వీడియో కాల్
కారు రొద మధ్య రఘులో దాగి ఉన్న ఉన్మాది బయటకు వచ్చాడు. నడుస్తున్న కారులోనే భార్య గొంతు నులిమి చంపడం ప్రారంభించాడు. అంతటితో ఆగలేదు… తనలోని క్రూరత్వాన్ని ప్రదర్శిస్తూ ఆ భయానక దృశ్యాలను బంధువులకు వీడియో కాల్ చేసి లైవ్లో చూపించాడు.
”నేను ఈమెను చంపేస్తున్నాను…” అంటూ లైవ్లోనే స్పష్టం చేస్తూ, అపస్మారక స్థితికి చేరుకుంటున్న భార్య ప్రాణాలు పోతుంటే రాక్షసానందం పొందాడు. అటువైపు ఫోన్లో బంధువులు భయంతో కేకలు వేస్తున్నా, అభ్యర్థిస్తున్నా రఘు వినలేదు. కారులోనే గమనా ఊపిరి అనంత వాయువుల్లో కలిసిపోయింది.
భార్యను హత్య చేసిన అనంతరం, రఘు మనసులో ఏ ఆలోచనలు తిరిగాయో గానీ… అతడు కూడా జీవించకూడదని నిర్ణయించుకున్నాడు. ఊరి చివర ఉన్న నిర్మానుష్య ప్రాంతానికి వెళ్లి, ఒక చెట్టుకు ఉరివేసుకుని ఆత్మహత్యకు పాల్పడ్డాడు. బంధువు సమాచారంతో హాసన్ జిల్లా పోలీసులు ఘటనా స్థలానికి చేరుకునేసరికి పరిస్థితి చేజారిపోయింది. చెట్టుకు వేలాడుతున్న రఘు మృతదేహాన్ని పోలీసులు స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు. కానీ, కారులో దారుణంగా హత్యకు గురైన భార్య గమన మృతదేహం మాత్రం సంఘటనా స్థలంలో కనిపించలేదు.
గమన శవం ఎక్కడ?
ప్రస్తుతం హాసన్ జిల్లా పోలీసులు ఈ కేసును సవాలుగా తీసుకున్నారు. రఘు ఆత్మహత్య చేసుకోవడానికి ముందే భార్య మృతదేహాన్ని ఎక్కడైనా నిర్మానుష్య ప్రాంతంలో లేదా కాలువలో పడేసి ఉంటాడా? అనే కోణంలో తీవ్రంగా గాలిస్తున్నారు.
ఒక అనుమానం… రెండు నిండు ప్రాణాలను తీసేసింది. లైవ్ వీడియో కాల్ సాక్ష్యంగా మిగిలిన ఈ కన్నడ క్రైమ్ మిస్టరీలో గమన మృతదేహం లభిస్తే తప్ప ఈ దారుణానికి సంబంధించిన పూర్తి వివరాలు వెలుగులోకి వచ్చే అవకాశం లేదు.
About The Author
