ఎమ్మెల్యే యార్లగడ్డ చొరవతో బుద్దవరం రోడ్డుకు మోక్షం…
గన్నవరం : సోషల్ మీడియాలో ఓయువకుడు పెట్టిన పోస్టుకు ప్రభుత్వ విప్, గన్నవరం ఎమ్మెల్యే యార్లగడ్డ వెంకట్రావ్ స్పందించి రహదారి అభివృద్ధి పనులకు నిధులు మంజూరు చేయించారు. గన్నవరం పట్టణంలోని బుద్దవరం రోడ్డు పెద్ద పెద్ద గుంతలు పడి వర్షపు నీరు నిలిచిపోవడంతో అధ్వాన్నంగా మారి రాకపోకలకు ఇబ్బంది కరంగా మారింది. ఈ సమస్యను స్థానికులు ఫొటోలతో సహా సోషల్ మీడియాలో పెట్టడంతో వెంటనే స్పందించిన ఎమ్మెల్యే యార్లగడ్డ రహదారి పునర్నిర్మాణానికి నిధులు మంజూరు చేయించారు. గన్నవరం విజయవాడ ప్రధాన రహదారిపై బుద్దవరం బస్టాప్ వద్ద నుండి గన్నవరం బాలికల జిల్లా పరిషత్ ఉన్నత పాఠశాల వరకు సుమారు 780 మీటర్ల మేరకు రహదారి పునర్నిర్మాణానికి నిధులు మంజూరు చేయించి వెంటనే నిర్మాణ పనులను మొదలుపెట్టారు. ప్రస్తుతం రహదారి గుంటల్ని సరిచేసి రెండు పొరల వెట్ మిక్స్ ని పరిచారు. దీనిపైన తారుతో మరో లేయర్ వేయనున్నారు. ఎన్నాళ్లుగానో ఎదురుచూస్తున్న తన సమస్యను కేవలం సోషల్ మీడియాలో పెట్టిన పోస్ట్ కు స్పందించి రహదారి అభివృద్ధి పనులకు నిధులు మంజూరు చేయించిన ఎమ్మెల్యే వెంకట్రావుకు స్థానిక ప్రజలు కృతజ్ఞతలు తెలిపారు.
About The Author
