Hanuman Ansh సినిమా రివ్యూ...

నాకు మొదటినుండి ఈ బాబాలు అంటే నచ్చరు. నేను వారిని నమ్మను.

గురువు అంటే భగవంతుని వైపు దారి చూపించేవాడై ఉండాలి. అంతే గానీ తానే దేవుడినని ప్రచారం చేసుకోకూడదు. ఆల్రెడీ జనాలను మోసం చేయడానికి సిద్ధ గురువులు, బురిడీ బాబాలు మనమధ్య ఎందరో ఉన్నారు.

ఈ నీమ్ కరోలి బాబా గురుంచి నాకేమి తెలియదు. ఈ సినిమా వచ్చి నాలుగు వారాలవుతుంది. 100 కోట్ల దగ్గరగా కలెక్షన్స్ వచ్చాయి. దురంధర్ తర్వాత ఈ సినిమానే అంత పెద్ద హిట్ బాలీవుడ్ లో ప్రాఫిట్స్ విషయంలో.

ఈ విషయం కూడా నాకు పెద్దగా ఆశ్చర్యం కలిగించలేదు. కారణం ఆ బాబాను మొక్కే కల్ట్ మొత్తం చూస్తే సినిమా పెద్ద హిట్ అయిపోతుంది.

అయితే సినిమా బాగుందని చాలా మంది చెప్పడంతో చూడక తప్పలేదు. చూసాక వాళ్ళు చెప్పింది తప్పని తెలిసింది.

సినిమా బాగుందని వారు చెప్పడం తప్పు. కారణం సినిమా చాలా బాగుంది. నిజం చెప్పాలి అంటే ఒక రెండున్నర గంటలు అలా ఆధ్యాత్మిక యాత్రలో ప్రయాణం చేసి వచ్చినట్లు అనిపించింది.

సినిమాలో ఒక్కో సీన్ మనసుని ఎంతో ఆకట్టుకుంటుంది. ముఖ్యంగా BGM, సాంగ్స్ అయితే మనల్ని ఎక్కడికో పట్టుకుని వెళ్లిపోతాయి. అసలు బాక్గ్రౌండ్ లో జై శ్రీ రామ్ అంటూ వచ్చే ఒక వాయిస్ అయితే మనల్ని Mesmerize చేసి పడేస్తుంది. సినిమాకి ఎంచుకున్న లొకేషన్స్ కూడా చాలా బావున్నాయి.

సినిమా మొత్తం హనుమాన్, శ్రీ రాముడు మీదనే నడుస్తుంది. నీమ్ కరోలి బాబాని కూడా సినిమాలో వాళ్ళ భక్తుని గానే చూపిస్తారు తప్ప బురిడీ బాబా మీద సినిమాలు తీసి ఆయనే పరబ్రహ్మ అని ప్రచారం చేసే పన్నాగం మాత్రం ఈ సినిమా కాదు. అది నాకు చాలా బాగా నచ్చింది.

నీమ్ కరోలి బాబాగా చేసిన యాక్టర్ అలానే మిగతా కాస్ట్ కూడా చాలా బాగా చేసారు.

హిందుత్వాన్ని కలిపే దేనినైనా మనం ప్రోత్సహించాలి. ఈ సినిమా కూడా ఆ కోవకు చెందినదే. ఏదో పవిత్ర ఆలయంలో కూర్చుని రామ జపం చేసుకుంటున్నట్లు అనిపించింది. ఎమోషనల్ గా కూడా సినిమా మనసుని హత్తుకుంటుంది.

ఇప్పట్లో అయితే ఈ సినిమా ప్రభంజనం తగ్గేలా లేదు. కానీ థియేటర్స్ నిండా నార్త్ ఇండియన్స్ ఎక్కువగా కనిపిస్తున్నారు. మన తెలుగువారికి ఇంకా ఈ సినిమా గురుంచి తెలిసినట్లు లేదు.

మీరు హిందువేనా? అయితే ఈ సినిమా మీకోసమే. మొత్తం పిల్లల్ని, ఫ్యామిలీని వెంటేసుకుని వెళ్లి మరీ ఈ సినిమా చూసేయండి.

నిజం చెబుతున్నా ఒక పుణ్యక్షేత్రానికి వెళ్లినట్లు ఫీల్ అవుతారు.