ఆ ఊళ్లో ఎన్ని నెమళ్లో..!

సుమారు ముప్ఫై ఏళ్ల కిందట అభినందన్‌ జా అనే వ్యక్తి పంజాబ్‌కి పనికి వెళ్లి తిరిగి వస్తూ సరదాగా ఓ నెమళ్ల జంటను తెచ్చాడట. అప్పటివరకూ ఆ ఊరికి నెమలి జాడే తెలీదు. ‘ఇంతింతై వటుడింతై’ అన్న చందంగా వాటి సంఖ్య 500 దాటిపోయింది. ‘తొలినాళ్లలో ఇంటి పెరట్లోనే పెంచాను. తోటి గ్రామీణులూ వాటిని ఎంతో ప్రేమగా చూడటం, సంతతి కూడా పెరగడంతో స్వేచ్ఛగా వదిలేశాను. బయటివాళ్లూ జంతువుల నుంచి వాటికి ఎలాంటి హానీ కలగకుండా ఓ కంట కనిపెడుతూనే ఉంటాం. మా ఊరెంట వెళ్లేవాళ్లూ వాటి నృత్యాన్ని చూసి ఆనందిస్తారే తప్ప, వాటిని చంపిన దాఖలాలేం లేవు. ఊరంతా నెమళ్లు తిరగాలన్న నా కల ఎట్టకేలకు నెరవేరింది’ అంటారు అభినందన్‌.