చెల్లెలిపై అన్న అత్యాచారం.. ఎనిమిది నెలలుగా దారుణం..
సొంత చెల్లెలిపై కన్నేశాడో కామాంధుడు. ఇంట్లో ఎవరూ లేని సమయం చూసి చెల్లెలిని రేప్ చేశాడు. ఎనిమిది నెలలుగా ఆమెపై అత్యాచారం చేస్తున్నాడు. ఫలితంగా ఆమె ఇప్పుడు ఏడు నెలల గర్భిణి. కూతురికి పీరియడ్స్ రాకపోవడంతో అనుమానం వచ్చి ఆస్పత్రికి తీసుకుపోతే డాక్టర్లు చెప్పిన మాట విని షాక్‌కు గురయ్యారు తల్లిదండ్రులు. కొడుకే కామంతో కళ్లు మూసుకుపోయి కూతురిని రేప్ చేశాడన్న విషయం తెలుసుకుని గుండెబద్దలైంది.
తోడబుట్టిన చెల్లెలిపై అన్న అఘాయిత్యానికి పాల్పడిన ఘటన తమిళనాడులోని వెల్లూరులో వెలుగుచూసింది. పెరుముగై ప్రాంతానికి చెందిన దంపతులకు ఓ కొడుకు(17), కుమార్తె(16) సంతానం. తల్లిదండ్రులు కూలీలు. ఆర్థిక స్తోమత లేకపోవడంతో కొడుకు పదో తరగతి వరకూ చదివి ఆపేశాడు. కూతురు కూడా చదువు మానేసి ఇంటి పనుల్లో తల్లికి సాయం చేస్తుండేది.
కంటతడి పెట్టిస్తున్న ఓ అబల దీనగాథ
చిన్నచిన్న పనులు చేస్తూ వచ్చిన డబ్బుతో మద్యం తాగుతూ కొడుకు జులాయిగా తిరుగుతుండేవాడు. అతని కన్ను సొంత చెల్లెలిపై పడింది. అమ్మానాన్న కూలీకి వెళ్లిన తరువాత ఇంట్లో ఒంటరిగా ఉంటున్న చెల్లెలిపై అఘాయిత్యానికి పాల్పడేవాడు. ఎనిమిది నెలలుగా పలుమార్లు ఆమెపై అత్యాచారం చేశాడు. ఎవరికైనా చెబితే ఉరేసుకుని చచ్చిపోతానని బెదిరించేవాడు. అన్నంత పనీ చేస్తాడేమోనని చెల్లెలు మౌనంగా భరించింది.
బాలికకు కొద్దినెలలుగా పీరియడ్స్ రాకపోవడంతో అనుమానంతో ఆస్పత్రికి తీసుకెళ్లింది తల్లి. ఆమెను పరీక్షించిన వైద్యులు షాకింగ్ విషయం చెప్పారు. ఆమె సుమారుగా ఎనిమిది నెలల గర్భంతో ఉన్నట్లు చెప్పడంతో తల్లిదండ్రులు హతాశులయ్యారు. అందుకు కారణం సొంత కొడుకేనని తెలిసి మరింత కుమిలిపోయారు. పోలీసులను ఆశ్రయించడంతో అన్నపై పోక్సో చట్టం కింద కేసు నమోదు చేసి అరెస్టు చేశారు.
About The Author
