శ్రీకాకుళంలో దారుణం..ఆర్ఎంపీ వైద్యుడి కీచక పర్వం..!!
ప్రజలకు వైద్యం అందిచాల్సిన డాక్ట‌రే కీచకుడిగా మారాడు. కడుపునొప్పితో బాధపడుతూ ట్రీట్మెంట్ కోసం వచ్చిన వివాహితపై కన్నేసి.. రేప్ చెయ్య‌డానికి ట్రై చేశాడు. ఈ దారుణ ఘటన..ఆంధ్ర‌ప్ర‌దేశ్ లోని శ్రీకాకుళం జిల్లా రాజాం మండల ప‌రిధిలోని ఓ విలేజ్ లో జ‌రిగింది. గ్రామానికి చెందిన వివాహిత ఒకరు కడుపు నొప్పి బాధించ‌డంతో చికిత్స కోసం ఈ గురువారం సాయంత్రం ఆర్ఎంపీ డాక్ట‌ర్ దగ్గరకు వెళ్లింది. ఆమెకు టెస్టుల చెయ్యాల‌ని చెప్పిన ఆ కీచ‌కుడు…ఆమె ప‌క్క‌న వచ్చిన స‌హాయ‌కుల‌ను బయటకు పంపేశాడు.
ఆ త‌ర్వాత ఆమెను పక్క‌నే ఉన్న గదిలోకి తీసుకెళ్లి గడియ పెట్టాడు. మెడిక‌ల్ టెస్టుల పేరుతో ఆమె ప్ర‌వేట్ పార్ట్స్ ను అసభ్యంగా తాకడం మొదలుపెట్టాడు. అతడు తేడాగా ప్ర‌వ‌ర్తించ‌డం గ‌మ‌నించిన వివాహిత ఆ కీచక డాక్టర్‌ను వెన‌క్కి నెట్టేసి…బయటకు ప‌రుగులు తీసింది. జరిగిన విషయాన్ని ఊరి పెద్ద‌ల‌కు చెప్పడంతో వారు వెంటనే రాజాం పోలీసులకు సమాచారం అందించారు. పోలీసులు వెంటనే అక్కడికి చేరుకుని బాధితురాలి నుంచి వాంగ్మూలం తీసుకుని.. ఆమె ఇచ్చిన ఫిర్యాదుతో ఆర్ఎంపీ డాక్టర్‌పై కేసు నమోదు చేశారు.
About The Author
