వైసీపీ ఎమ్మెల్యే రోజా గారు నారా లోకేష్‌పై తీవ్రస్థాయిలో విరుచుకుపడ్డారు
తిరుమల: టీడీపీ జాతీయ ప్రధాన కార్యదర్శి నారా లోకేష్‌పై వైసీపీ ఎమ్మెల్యే రోజా తీవ్రస్థాయిలో విరుచుకుపడ్డారు. తిన్నది అరగక పని పాట లేకుండా లోకేష్ అవాక్కులు…చవాక్కులు పేలుతున్నారని వ్యాఖ్యానించారు. ఆదివారం ఉదయం తిరుమల శ్రీవారిని రోజా దర్శించుకున్నారు. అనంతరం ఆలయం వెలుపల మీడియాతో మాట్లాడుతూ ఎమ్మెల్యేగా కూడా గెలవలేని దద్దమ్మ లోకేష్ అని దుయ్యబట్టారు. కరోనా సమయంలో రాష్ట్రంలో ఉండి ప్రజలకు భరోసా ఇవ్వకుండా తండ్రి, కొడుకులు పక్క రాష్ట్రంలో దాక్కున్నారని… అవినీతికి పాల్పడిన వారిని అరెస్ట్ చేస్తే మాత్రం పరామర్శించేందుకు పరుగెత్తుకొని రాష్ట్రానికి వచ్చారని రోజా ఆరోపించారు.
సీఎంగా బాధ్యతలు చేపట్టిన ఏడాదిలోనే ఎన్నికల్లో ఇచ్చిన హామీలన్నింటిని అమలు చేసిన వ్యక్తి జగన్ అని తెలిపారు. కరోనా విపత్తును ఎదుర్కోవడంలో జగన్ ముందు చూపుతో వ్యవహరించారన్నారు. ప్రజలకు ఉచితంగా టెస్ట్‌లు నిర్వహిస్తూ…ఆరోగ్యశ్రీ క్రిందకు తెచ్చి బాధితులకు ఉచితంగా వైద్యం అందిస్తూ దేశంలోనే ఏపీ అగ్రగామిగా నిలిచిందని చెప్పారు. ఆర్థికంగా ఇబ్బందుల్లో ఉన్న సమర్థవంత పాలనను సాగిస్తూ వివిధ పథకాలతో పేద ప్రజలను అదుకుంటున్నారని ఎమ్మెల్యే రోజా పేర్కొన్నారు.
About The Author
