ప్రకృతి రమణీయం – శిల్పకళా సౌందర్యం కలిసిన శ్రీరంగాపురం...

* వనపర్తి జిల్లా కేంద్రానికి సుమారు 20 కి.మీ దూరంలో ఉన్న *శ్రీరంగనాయకస్వామి దేవాలయం* పర్యాటకులను ఆకర్షిస్తోంది.
* పచ్చని పంటపొలాలు, నీలిరంగు నీటితో కళకళలాడే రంగసముద్రం చెరువు మధ్య ఆలయం అపూర్వ సౌందర్యంగా మెరిసిపోతోంది.
* 1657–1670 మధ్య వనపర్తి సంస్థానాధీశుడు *రాజా బహిరీ గోపాలరావు* చేత ఆలయం నిర్మాణం.
* 1804లో రాణి శంకరమ్మ ఆధ్వర్యంలో విమాన గోపురం, ఏడు అంతస్తుల రాజగోపురం నిర్మాణం.
* తమిళనాడులోని *శ్రీరంగం రంగనాథస్వామి ఆలయం* నమూనాలో ఆలయ నిర్మాణం.
* 345 ఏళ్ల చరిత్ర కలిగిన ఈ క్షేత్రంలో వందలాది స్తంభాలపై అద్భుత శిల్పాలు, లతలు, పక్షులు, జంతువుల చెక్కుదిద్దిన కళాకృతి.
* రత్నపుష్కరిణి సరస్సు, చెరువు మధ్య కృష్ణవిలాస్ భవనం ప్రత్యేక ఆకర్షణ.
* ఏడాది పొడవునా నీటితో నిండే రంగసముద్రం వేలాది ఎకరాల పంటలకు నీరు అందిస్తోంది.
* రథోత్సవాలు, బ్రహ్మోత్సవాలతో ప్రసిద్ధి చెందిన క్షేత్రం.
* ఫోటో, వీడియో జర్నలిస్టులకు స్వర్గధామంగా మారిన ప్రదేశం.
* ప్రీ వెడ్డింగ్ షూట్లు, సినిమాలు, టీవీ సీరియల్స్ చిత్రీకరణకు ప్రముఖ కేంద్రంగా గుర్తింపు.
* గతంలో ఇక్కడ *సింహాద్రి*, *ఆది*, *చెన్నకేశవ రెడ్డి*, *టక్కరి జగదీశ్*, *ఛత్రపతి* చిత్రాల షూటింగ్‌లు నిర్వహించారు.
* సినీ నటుడు *సిద్దార్థ* వివాహ వేడుక ఇక్కడ జరగడంతో మరింత ప్రాచుర్యం.
* తెలంగాణతో పాటు పక్క రాష్ట్రాల నుంచి కూడా ఫోటోగ్రాఫర్లు తరలి వస్తున్నారు.
* ప్రకృతి సౌందర్యం, శిల్ప సంపద కలగలిసి అపర శ్రీరంగంగా వెలుగొందుతున్న శ్రీరంగాపురం పర్యాటక కేంద్రంగా అభివృద్ధి చెందుతోంది…