దిగువ అహోబిలం, ఎగువ అహోబిలంలో పర్యాటక అభివృద్ధి...

దిగువ అహోబిలం, ఎగువ అహోబిలంలో పర్యాటక అభివృద్ధి పనులను పరిశీలించిన ఏపీటీడీసీ చైర్మన్ డా. నూకసాని బాలాజీ

దిగువ అహోబిలం, ఎగువ అహోబిలంలోని శ్రీ లక్ష్మీ నరసింహస్వామి వారిని దర్శించుకున్న ఆంధ్రప్రదేశ్ పర్యాటక అభివృద్ధి సంస్థ (APTDC) చైర్మన్ డా. నూకసాని బాలాజీ, అనంతరం పర్యాటక శాఖ ఆధ్వర్యంలో సుమారు రూ.25 కోట్లతో జరుగుతున్న వివిధ అభివృద్ధి, నిర్మాణ పనులను పరిశీలించారు.

ఈ సందర్భంగా మ్యూజియం, మండపాలు, లైటింగ్, పర్యాటకులకు అవసరమైన మౌలిక వసతులు తదితర అభివృద్ధి పనుల పురోగతిని ఆయన అధికారులను అడిగి తెలుసుకున్నారు. పనుల నాణ్యత, పురోగతి, భక్తులు మరియు పర్యాటకులకు మరింత మెరుగైన అనుభూతి కలిగించే విధంగా చేపట్టాల్సిన చర్యలపై అధికారులకు పలు సూచనలు చేశారు.

అహోబిలంలోని పురాతన ఆలయ నిర్మాణాలు, శిల్పకళా వైభవం, సహజ సౌందర్యాన్ని పరిశీలించిన డా. నూకసాని బాలాజీ, మన పూర్వీకుల అద్భుతమైన నిర్మాణ నైపుణ్యం, కళా ప్రతిభ మరియు వారసత్వ సంపదను చూసి ఆశ్చర్యం వ్యక్తం చేశారు. అహోబిలం ఆధ్యాత్మికతతో పాటు చారిత్రక, సాంస్కృతిక, ప్రకృతి పర్యాటకానికి అపారమైన అవకాశాలు కలిగిన ప్రాంతమని పేర్కొన్నారు.

గౌరవ ముఖ్యమంత్రి శ్రీ నారా చంద్రబాబు నాయుడు గారి విజన్‌కు అనుగుణంగా, అహోబిలాన్ని ఆధ్యాత్మిక, వారసత్వ మరియు ప్రకృతి పర్యాటక కేంద్రంగా మరింత సమగ్రంగా అభివృద్ధి చేసి, దేశీయ, విదేశీ పర్యాటకులను ఆకర్షించేలా అంతర్జాతీయ ప్రమాణాలతో సౌకర్యాలను కల్పించాల్సిన అవసరం ఉందని ఆయన అన్నారు.

అనంతరం ఆంధ్రప్రదేశ్ పర్యాటక అభివృద్ధి సంస్థ ఆధ్వర్యంలో నిర్వహిస్తున్న పర్యాటక యూనిట్‌ను కూడా డా. నూకసాని బాలాజీ పరిశీలించారు. ముఖ్యంగా రెస్టారెంట్, కిచెన్, పరిసరాల పరిశుభ్రత, పర్యాటకులకు అందుతున్న సేవలను పరిశీలించి, అవసరమైన మెరుగుదలలపై అధికారులకు సూచనలు చేశారు.

దిగువ అహోబిలం, ఎగువ అహోబిలం ప్రాంతాల్లో పర్యాటకుల సౌకర్యార్థం చేపట్టాల్సిన అదనపు పనులు, మౌలిక వసతుల అభివృద్ధి, నిర్వహణకు సంబంధించి సంబంధిత అధికారులతో చర్చించి తగిన సూచనలు చేశారు.

అహోబిలం వంటి అపూర్వమైన ఆధ్యాత్మిక, చారిత్రక వారసత్వ ప్రాంతాలను కాపాడుతూ, పర్యాటకులకు అత్యుత్తమ అనుభూతిని అందించే విధంగా అభివృద్ధి చేయడం ఏపీటీడీసీ ప్రధాన లక్ష్యాలలో ఒకటని డా. నూకసాని బాలాజీ స్పష్టం చేశారు.

డా. నూకసాని బాలాజీ
చైర్మన్, ఆంధ్రప్రదేశ్ పర్యాటక అభివృద్ధి సంస్థ (APTDC)
&
జాతీయ ఉపాధ్యక్షులు, తెలుగు దేశం పార్టీ