మళ్లీ మంగళగిరి నుంచే పోటీ చేస్తా… నారా లోకేష్
మళ్లీ మంగళగిరి నుంచే పోటీ చేస్తా – మాజీ మంత్రి నారా లోకేష్
వచ్చే ఎన్నికల్లో కూడా మళ్లీ మంగళగిరి నుంచే పోటీ చేస్తానని మాజీ మంత్రి నారా లోకేష్ ప్రకటించారు. ఇందులో ఎలాంటి అనుమానం అక్కర్లేదన్నారు. మంగళగిరిలో ఓడిపోవడంపై కార్యకర్తలు, అభిమానులు కన్నీటి పర్యంతమయ్యారు. ఈ సందర్భంగా లోకేష్ మాట్లాడుతూ.. మంగళగిరిలో పోటీ చేస్తున్నప్పుడు రాంగ్‌ సెలక్షన్‌ అన్నారని గుర్తుచేశారు. ఇప్పుడు ఓడిపోయిన తర్వాత కూడా అదే అంటున్నారని చెప్పారు. కానీ తాను మాత్రం మంగళగిరి నుంచి పోటీ చేయడమే అదృష్టంగా భావిస్తానని చెప్పుకొచ్చారు. మంగళగిరి తనకు పెద్ద కుటుంబాన్ని ఇచ్చిందని తెలిపారు. నియోజ‌క‌వ‌ర్గ అభివృద్ధి కోసం ఎన్నో ప్రణాళిక‌లు సిద్ధం చేశామన్నారు. ఓడిపోయినా ప్రణాళికల అమలుకు ప్రయత్నిస్తానని భరోసా ఇచ్చారు. త్వరలో నియోజకవర్గంలో పర్యటిస్తానని.. ప్రతి ఊరు సందర్శిస్తానని హామీ ఇచ్చారు. ప్రజాస్వామ్యంలో గెలుపోటములు సహజమన్నారు. మీ అభిమానం కంటే విజ‌య‌ం మరోటి ఉండదని చెప్పారు. ఓడిపోయినా.. మీ మ‌న‌సులు గెలుచుకున్న విజేత‌నని వ్యాఖ్యానించారు. ఏ క‌ష్టం వ‌చ్చినా కుటుంబ స‌భ్యుడిగా అండ‌గా ఉంటానని ధైర్యం చెప్పారు. ఎప్పుడూ ‘నా ఇంటి త‌లుపులు తెరిచే ఉంటాయని’ హామీ ఇచ్చారు
About The Author
