ఐదు ఎర్ర చందనం దుంగలతో ముగ్గురు స్థానిక స్మగ్లర్లు అరెస్ట్
రవాణా చేస్తున్న ఆటో, రెండు ద్వి చక్ర వాహనాలు స్వాధీనం:
తిరుపతి,2020 జూలై 28 సమీపంలోని చెర్లోపల్లి లో అక్రమ రవాణా చేయడానికి సిద్ధంగా ఉన్న ఐదు ఎర్ర చందనం దుంగలను స్వాధీనం చేసుకుని, రవాణా చేస్తున్న ముగ్గురు స్థానిక స్మగ్లర్లు ను టాస్క్ ఫోర్స్ పోలీసులు మంగళవారం, ఉదయం అరెస్ట్ చేశారు. టాస్క్ ఫోర్స్ కు అందిన సమాచారం మేరకు డీఎస్పీ వెంకటయ్య ఆధ్వర్యంలో ని ఆర్ ఎస్ ఐ లు వాసు, లింగాధర్, డీఆర్వో నరసింహ రావు ల బృందం చెర్లోపల్లి వద్ద డిఫెన్స్ అకాడమీ వద్ద మాటు వేశారు. అక్కడ కు ఐదు దుంగలు ఉన్న ఆటోతో పాటు ఐదుగురు వ్యక్తులు వచ్చారు. వారిపై టాస్క్ ఫోర్స్ టీమ్ దాడి చేయడం తో ముగ్గురు దొర కగా, మరో ఇద్దరు పారి పోయారు. వీరితోపాటు రెండు ద్విచక్ర వాహనాలు కూడా ఉన్నాయి. వీరిని చెర్లోపల్లి కి చెందిన టి. నితిన్ (26), మరో ఇద్దరు సోమలకు చెందిన పి.నాగరాజు (34), ఏ.రవి (33)లుగా గుర్తించారు. సంఘటన స్థలానికి చేరుకున్న డీఎస్పీ వెంకటయ్య మాట్లాడుతూ వీరికి నాయకుడుగా శ్రీనివాస్ రెడ్డి అనే వ్యక్తి ఉన్నట్లు విచారణ లో తెలిసిందని, అతని కోసం గాలిస్తున్నామని చెప్పారు. శ్రీనివాస్ రెడ్డి మోస్ట్ వాంటెడ్ స్మగ్లర్ అని,తెలిపారు,
About The Author
