కోళ్ల ఫారం లో 70 నాటు కోళ్లను చంపిన దుండగులు
ఏర్పేడు.
మండలంలోని సీతారాం పేట కు చెందిన చేమురు నాగరాజు కోళ్ల ఫారం లో మంగళవారం రాత్రి గుర్తుతెలియని వ్యక్తులు 70 నాటు కోళ్లను చంపడం జరిగిందని ఏర్పేడు సీఐ శివ కుమార్ రెడ్డి తెలిపారు.
సీఐ కథనం మేరకు సీతారాం పేట కు చెందిన చేమూరు నాగరాజు పొలంలోని కోళ్ల ఫామ్ లో నాటు కోళ్లు పెంపకం చేస్తున్నాడు. కోళ్ల ఫామ్ కు అంకయ్య అనే వ్యక్తి కోళ్లను సంరక్షిస్తూ కాపలాగా ఉంటున్నాడు. అంకయ్య యథాప్రకారం మంగళవారం రాత్రి ప్రతి రోజులాగా
పది గంటలకి కోళ్లకు మేత వేసి పక్కనే ఉన్న గదిలో నిద్ర పోయాడు. మంగళవారం అర్ధరాత్రి సమయంలో గుర్తుతెలియని వ్యక్తులు కోళ్ల ఫారం లోకి చొరబడి కర్రలు కత్తులతో 70 నాటు కోళ్లను చంపి వేయడం జరిగింది. అంకయ్య బుధవారం ఉదయం 5 గంటల సమయంలో కోళ్ల కు మేత వేద్దామని వెళ్లి చూడగా కోళ్లు గుంపులుగుంపులుగా చనిపోయి ఉండటం గమనించి యజమాని నాగరాజు కు సమాచారం అందించాడు.యజమాని పోలీసులకు ఫిర్యాదు చేయడంతో ఏర్పేడు సిఐ శివ కుమార్ రెడ్డి తన సిబ్బందితో సంఘటనా స్థలానికి చేరుకుని విచారించడం జరిగింది.
బాధితుడు కథనం మేరకు 70 నాటు కోళ్ల విలువ సుమారు లక్ష రూపాయలు నష్టం వాటిల్లిందని తెలిపారు. ఇది రాజకీయ కక్ష దురుద్దేశంతో చేసి ఉంటారని అన్నారు. పోలీసులు కేసు నమోదు చేసి దర్యాప్తు చేస్తున్నారు.
About The Author
