అనసూయ..చావు కబురు చల్లగా…
యాంకర్ అనసూయ బిగ్ స్క్రీన్ మీద కూడా తనేంటో ప్రూవ్ చేసుకుంటూ చకచకా ముందుకు సాగుతోంది. వైవిధ్యమైన పాత్రలు ఎంచుకుంటూ పేరు తెచ్చుకుంటోంది.
కానీ ఎంతయినా అనసూయ జబర్దస్త్ షో లో చేసే డ్యాన్స్ లు వేరు. అందుకే అలాంటి మాంచి ఐటమ్ సాంగ్ అనబడు స్పెషల్ గీతాన్ని ఓ సినిమా కోసం చిత్రీకరిస్తున్నారు. గీతా 2 పతాకం మీద బన్నీవాస్ నిర్మించే చావుకబురుచల్లగా సినిమాలో అనసూయ స్పెషల్ సాంగ్ చేస్తోంది.
కార్తికేయ-లావణ్యత్రిపాఠీ నటించే ఈ సినిమా వైవిధ్యంగా వుండబోతోందని, ఇప్పటికే విడుదల చేసిన రెండు చిన్న చిన్న విడియో బైట్ లు క్లారిటీ ఇచ్చేసాయి.
ఇప్పుడు ఆ వైవిధ్యానికి అనసూయ స్పెషల్ సాంగ్ తోడయింది. గీతా,. గీతా 2 సంస్థలు పలు సిన్మాలు ప్లాన్ చేస్తున్నాయి. దాదాపు అన్నీ షూటింగ్ ల్లో వున్నాయి. వాటిలో చావుకబురుచల్లగా ముందుగా విడుదలవుతుందని టాక్.
About The Author
