మహిళల భద్రత, సైబర్ నేరాలు, శక్తి యాప్పై విద్యార్థులకు సమగ్ర అవగాహన
తిరుపతి ఆగష్టు 04: తిరుపతి జిల్లా ఎస్పీ శ్రీ ఎల్. సుబ్బరాయుడు, ఐపీఎస్., గారి ఆదేశాల మేరకు జిల్లా వ్యాప్తంగా మహిళలు, విద్యార్థులు, యువతలో భద్రతా చైతన్యం పెంపొందించేందుకు శక్తి టీమ్ ఆధ్వర్యంలో విస్తృత అవగాహన కార్యక్రమాలు కొనసాగుతున్నాయి.
ఈ కార్యక్రమంలో భాగంగా శ్రీ పద్మావతి మహిళా విశ్వవిద్యాలయంలో బి.ఎడ్. విద్యార్థినులకు శక్తి టీమ్ ప్రత్యేక అవగాహన కార్యక్రమం నిర్వహించింది. ఈ సందర్భంగా ఈవ్ టీజింగ్, ర్యాగింగ్, శక్తి యాప్ వినియోగం మరియు ప్రయోజనాలు, లోన్ యాప్ మోసాలు, డిజిటల్ అరెస్ట్ మోసాలు, చైల్డ్ పోర్నోగ్రఫీ, సైబర్ నేరాలు, తెలియని లింకులు, వీడియో కాల్స్ ద్వారా జరిగే మోసాలు, సోషల్ మీడియాలో ఫోటోలు పంచుకోవడం వల్ల కలిగే ప్రమాదాలు, ఉద్యోగ మోసాలు, ఓటీపీ మోసాలు, ఆన్లైన్ బెట్టింగ్, మహిళల అక్రమ రవాణా, మహిళలపై నేరాలు, డ్రగ్స్ దుష్పరిణామాలు, ట్రాఫిక్ నిబంధనలు, ర్యాపిడో, ఆటో, బైక్ ప్రయాణాల్లో పాటించాల్సిన భద్రతా సూచనలు, సమాజంలో మహిళలకు సంబంధించిన తాజా ఘటనలు, మంచి స్నేహం, మంచి ప్రవర్తన, వ్యక్తిగత భద్రతపై అవగాహన కల్పించారు.
అనంతరం ఎల్.బి.నగర్ రోడ్డులోని ఎస్పీడబ్ల్యూ డిగ్రీ కళాశాల విద్యార్థులకు శక్తి టీమ్ అవగాహన కార్యక్రమం నిర్వహించింది. సైబర్ నేరాలు, శక్తి యాప్, లోన్ యాప్ మోసాలు, డిజిటల్ అరెస్ట్, ఈవ్ టీజింగ్, ర్యాగింగ్, సోషల్ మీడియా దుర్వినియోగం, తెలియని లింకులు, వీడియో కాల్స్, డ్రగ్స్, ట్రాఫిక్ నిబంధనలు, సెల్ఫోన్ మరియు సోషల్ మీడియా అధిక వినియోగం వల్ల కలిగే నష్టాలు, ఆన్లైన్ గేమ్స్, మంచి అలవాట్లు, మంచి స్నేహం, మహిళలపై నేరాలు, మహిళల అక్రమ రవాణా, సమాజంలో చోటుచేసుకుంటున్న మహిళలకు సంబంధించిన ఘటనలు, అత్యవసర హెల్ప్లైన్ సేవల వినియోగంపై అవగాహన కల్పించారు.
అదేవిధంగా అన్నమయ్య పాఠశాల, కటికరంగాడి వీధిలో విద్యార్థులకు నిర్వహించిన కార్యక్రమంలో శక్తి యాప్, ఈవ్ టీజింగ్, సోషల్ మీడియా మరియు సెల్ఫోన్ దుర్వినియోగం, తెలియని వ్యక్తులతో పరిచయాల ప్రమాదాలు, టీనేజ్ ప్రేమ వ్యవహారాలు, క్రమశిక్షణ, వ్యక్తిత్వ వికాసం, నైతిక విలువలు, విద్య ప్రాముఖ్యత, తల్లిదండ్రులు మరియు ఉపాధ్యాయులను గౌరవించడం, మహిళలు మరియు చిన్నారుల భద్రత, బాలలపై నేరాలు, బాల్య వివాహాలు, బాల కార్మిక వ్యవస్థ, బాలల అదృశ్యం, కిడ్నాప్లు, డ్రగ్స్, మొబైల్ గేమ్స్ వ్యసనం, ట్రాఫిక్ నిబంధనలు, మంచి అలవాట్లు, మంచి స్నేహం, వ్యక్తిగత భద్రత, అత్యవసర హెల్ప్లైన్ నంబర్లపై సమగ్ర అవగాహన కల్పించారు.
ఈ సందర్భంగా శక్తి టీమ్ విద్యార్థులు అపరిచితులపై అప్రమత్తంగా ఉండాలని, వ్యక్తిగత వివరాలు, ఓటీపీలు, ఫోటోలు, బ్యాంకింగ్ సమాచారం ఇతరులతో పంచుకోవద్దని, సైబర్ మోసాలకు గురైన వెంటనే 1930 సైబర్ హెల్ప్లైన్, అత్యవసర పరిస్థితుల్లో డయల్-112ను సంప్రదించాలని సూచించింది. మహిళల భద్రత కోసం శక్తి యాప్ను ప్రతి ఒక్కరూ తమ మొబైల్లో డౌన్లోడ్ చేసుకొని వినియోగించాలని, నేరాల నివారణలో ప్రజలు పోలీసు శాఖకు సహకరించాలని కోరారు.
About The Author
