మూడు కోడిగుడ్ల ధర రూ.1672/- మాత్రమే…
అహ్మదాబాద్‌లోని హయత్ రీజెన్సీ హోటల్‌ మూడు ఉడకబెట్టిన కోడిగుడ్లకు గాను తన చేతికి ఇచ్చిన బిల్లు ఇదేనంటూ బాలీవుడ్ సంగీత దర్శకుడు శేఖర్ రావ్‌జియానీ సోషల్ మీడియాలో చేసిన ట్వీట్ తెగ వైరల్ అవుతోంది. ఆ హోటల్‌లో బస చేసిన శేఖర్ నిన్న మూడు ఎగ్‌వైట్‌లతో భోజనం ఆర్డర్ ఇచ్చాడు. భోజనం అనంతరం తన చేతిలో పెట్టిన బిల్లును చూసి శేఖర్ విస్తుపోయాడు. షాక్ నుంచి కోలుకునేందుకు కొన్ని నిమిషాలు పట్టిందట.
ఉడికించిన మూడు కోడిగుడ్లకు రూ.1350, సర్వీసు చార్జ్‌గా రూ.67.50, సీజీఎస్టీ 9 శాతంతో రూ.127.58, ఎస్‌జీఎస్టీ 9 శాతం కింద రూ. 127.58 కలుపుకుని మొత్తం రూ.1672తో ఇచ్చిన బిల్లు చూసి షాకైన రావ్‌జియానీ.. దానిని తన ట్విట్టర్ ఖాతాలో పోస్టు చేశాడు. దీంతో ఇప్పుడీ బిల్లు వైరల్ అయింది. 15 రూపాయల కోడిగుడ్లకు రూ.1600 ఏంటంటూ నెటిజన్లు దుమ్మెత్తిపోస్తున్నారు.
About The Author
