నేడు పూరిలో జగన్నాథుని రథయాత్ర

ఒడిశా జూలై 16, 2026: ఒడిశాలోని పూరీ జగన్నాథ రథయాత్రకు అన్ని ఏర్పాట్లు పూర్తయ్యాయి. నేడు సాయంత్రం 4 గంటలకు జగన్నాథుడు, బలభద్రుడు, సుభద్రాదేవి తమ ప్రత్యేక రథాలపై గుండిచా ఆలయానికి బయలుదేరనున్నారు. ఈ మహోత్సవాన్ని తిలకించేందుకు దేశ విదేశాల నుంచి లక్షలాది మంది భక్తులు పూరీకి చేరుకుంటున్నారు. భక్తుల రద్దీ దృష్ట్యా 12 వేల మందికి పైగా భద్రతా సిబ్బందిని మోహరించగా, ఏఐ ఆధారిత కెమెరాలతో పర్యవేక్షణ చేపట్టారు. రథయాత్ర ఉత్సవాలు ఈ నెల 24వ తేదీ వరకు కొనసాగనున్నాయి.

.ఈ యాత్రకు సంబంధించిన ముఖ్య విశేషాలు:రథాలు:

శ్రీ జగన్నాథుని రథం పేరు నందిఘోష్ (16 చక్రాలు, 45 అడుగుల ఎత్తు). బలభద్రుని రథం పేరు తాళధ్వజ (14 చక్రాలు, 45.6 అడుగుల ఎత్తు). సుభద్రాదేవి రథం పేరు దర్పదళనం (12 చక్రాలు, 44.6 అడుగుల ఎత్తు).ప్రత్యేకత: ఈ రథాలను భక్తులు స్వయంగా తాళ్లతో లాగుతారు.గమ్యం: శ్రీ జగన్నాథుని ఆలయం నుంచి గుండిచా ఆలయం వరకు దాదాపు 3 కిలోమీటర్ల దూరం ఈ యాత్ర సాగుతుంది.