జగన్ కనుమరుగవుతాడు.. జనసేన మొలకెత్తని పార్టీ: రఘువీర…
జగన్ కనుమరుగవుతాడు.. జనసేన మొలకెత్తని పార్టీ: రఘువీర: ‘2019 ఎన్నికల్లో గెలిచినవాడే నిలుస్తాడు. ఓడిపోతే కనుమరుగవుతాడు. జనసేన మొలకెత్తని పార్టీ’ అని ఏపీసీసీ అధ్యక్షుడు ఎన్‌.రఘువీరా రెడ్డి అన్నారు. శనివారం ఆయన విలేకరులతో మాట్లాడారు. ‘ఏఐసీసీ మార్గదర్శకాల ప్రకారం 175అసెంబ్లీ, 25 లోక్‌సభ నియోజకవర్గాలలో కాంగ్రెస్‌ తరఫున పోటీ చేసే అభ్యర్థుల నుంచి దరఖాస్తులు కోరుతున్నాం.
ఈ నెల 7నుంచి 10 వరకూ జిల్లా కాంగ్రెస్‌ కమిటీ కార్యాలయాల్లో నియోజకవర్గాల వారీగా అభ్యర్థుల నుంచి దరఖాస్తులను డీసీసీ అధ్యక్షులు తీసుకుంటారు. ఈ నెలాఖరులోగా అసెంబ్లీ, లోక్‌సభ అభ్యర్థుల పేర్లను ప్రకటిస్తాం. ప్రత్యేక హోదా భరోసా యాత్రకు ఏఐసీసీ అధ్యక్షుడు రాహుల్‌ గాంధీ, ప్రధాన కార్యదర్శి ప్రియాంక గాంధీని ఆహ్వానిస్తున్నాం’ అని రఘువీరా చెప్పారు. కాగా, ఈ నెల 15నుంచి కాంగ్రెస్‌ బస్సు యాత్ర ప్రారంభమవుతుంది. అనంతపురం మడకశిర నుంచి ప్రారంభమై 28న శ్రీకాకుళం జిల్లా ఇచ్ఛాపురంతో ముగుస్తుంది.
About The Author
