స్లీపర్ బస్సులో మంటలు...9 మంది సజీవదహనం...

స్లీపర్ బస్సులో మంటలు…9 మంది సజీవదహనం

ఉత్తరప్రదేశ్లో ఘోర రోడ్డు ప్రమాదం జరిగింది. గ్రేటర్ నోయిడా (Greater Noida)లోని యమునా ఎక్స్ప్రెస్ వేపై స్లీపర్ బస్సుకు మంటలు అంటుకోవడంతో 9 మంది ప్రాణాలు కోల్పోయారు. పలువురు గాయపడ్డారు. గురువారం తెల్లవారుజామున ఈ ఘటన చోటుచేసుకుంది. స్లీపర్ టూరిస్ట్ బస్సు దిల్లీ నుంచి ఉత్తర్ ప్రదేశ్లోని మహోబావైపు వెళ్తుండగా.. యమునా ఎక్స్ప్రెస్వే వైపు వెళ్తుండగా మంటలు అంటుకున్నాయి. అవి వేగంగా బస్సు అంతా వ్యాపించాయి. సమయంలో అందులో 40 మందికి పైగా ప్రయాణికులు ఉన్నారని జాతీయ మీడియా కథనాలు వెల్లడించాయి. ప్రాణాలు కాపాడుకునేందుకు పలువురు బస్సు నుంచి దూకేశారు. కానీ, ఘటన జరిగినప్పుడు ప్రయాణికులు నిద్రలో ఉండటంతో 9 మంది మంటల్లో చిక్కుకొని ప్రాణాలు కోల్పోయారు. మరికొందరు బస్సులో చిక్కుకొన్నారని తెలుస్తోంది. ఒక్కసారిగా తమచుట్టూ మంటలు వ్యాపించడంతో ప్రయాణికుల ఆక్రందనలతో ఆ ప్రాంతమంతా భీతావహంగా మారింది.

ఎక్స్ప్రెస్వేపై బస్సు దగ్ధమవుతోన్న దృశ్యాలు సోషల్ మీడియాలో వైరల్ అవుతున్నాయి. అగ్నిమాపక, ఇతర అత్యవసర సిబ్బంది సహాయక చర్యలు చేపట్టారు. మంటలు వ్యాపించడానికి గల కారణాలు తెలియాల్సి ఉంది. ఈ ఘటనపై ఉత్తరప్రదేశ్ ముఖ్యమంత్రి యోగి ఆదిత్యనాథ్ ఈ ఘటనపై దిగ్భ్రాంతి వ్యక్తంచేశారు. పరిస్థితిని సమీక్షించారు. గాయపడిన వారికి వెంటనే వైద్య సహాయం అందేలా ఆధికారులకు ఆదేశాలు ఇచ్చారు.